Алматыда ауаның ластану қаупі жоғары – Қазгидромет ескерту жасады

Қазгидромет мамандары Алматы тұрғындары мен қонақтарын 2025 жылдың 26 шілдесінде қолайсыз метеорологиялық жағдайлар болады деп ескертті, деп хабарлайды Azattyq Rýhy. 

Метеоболжамдарда жарияланғандай, бүгін қалада ауа райының тұрақсыздығы ауа сапасының нашарлауына әкеп соғуы мүмкін.

«2025 жылғы 26 шілдеде Алматы қаласында қолайсыз метеожағдайлар күтіледі», – делінген Қазгидромет хабарламасында.

Қолайсыз метеожағдай деген не?

Қолайсыз метеожағдай — бұл атмосферада келесі факторлардың тіркесуі:

• Ауа қозғалысының тоқтауы (штиль);
•  Әлсіз жел;
• Тұман;
•  Инверсия (температураның қалыптан тыс өзгеруі);

Мұндай жағдайлар зиянды заттардың ауада жинақталуына, яғни жер бетіндегі ауа қабатында ластаушы бөлшектердің шоғырлануына әкеп соғады.

Тұрғындар қандай сақтық шараларын сақтауы керек?

Қазгидромет пен экологтар келесі кеңестерді ұсынады:

• Ашық ауада ұзақ уақыт болудан аулақ болыңыз;
• Автокөлік көп жүретін жол бойында серуендеуді шектеу керек;
• Жүрек-қан тамыры, тыныс алу жолдары немесе аллергиялық сырқаттары бар адамдар дәрі-дәрмектерін өзімен алып жүруі қажет;
• Балалар мен қарт адамдар далада ұзақ жүрмеуге тиіс.