Жатақханада ерекше білім беруді қажет ететін балалар оқиды
Шымкент қаласында қайтарылған активтер есебінен ерекше қажеттілігі бар оқушыларға арналған колледж жатақханасының құрылысы жүріп жатыр, деп хабарлайды Azattyq Rýhy.
Әлеуметтік маңызы зор бұл нысан сөйлеу және басқа да даму кемістігі бар 300-ге жуық оқушыны жайлы әрі қауіпсіз жатын орынмен қамтамасыз етуге бағытталған.
Жаңа жатақхана кешенінде оқушылар үшін қажетті инфрақұрылым қарастырылған:
Мұның бәрі балалардың денсаулығы мен даму ерекшеліктерін ескере отырып жобаланған.
Қазіргі таңда ғимараттың қабырғасын өрлеу жұмысы жүргізілуде. Жобаны 2025 жылдың желтоқсан айында аяқтап, қалалық Білім басқармасына пайдалануға тапсыру жоспарланып отыр.
Бұл бастама – қайтарылған активтерді ел игілігіне пайдалану жұмыстарының нақты нәтижесі.
Мемлекет ерекше қажеттілігі бар балаларға арналған қолайлы әрі инклюзивті орта құруды жалғастырып, құрылыс сапасы мен мерзімін қатаң бақылауда ұстап отыр.