Құтқарушылар дер кезінде жетіп, ер адамды тірі алып шықты
Қостанай қаласында ер адам екі метрлік орға құлап, топырақ астында қалған. Оқиға 19 шілде күні Күнай ықшамауданында болған, деп хабарлайды Azattyq Rýhy ТЖМ баспасөз қызметіне сілтеме жасап.
1994 жылы туған азамат тереңдігі 2 метр, ені 1,2 метр болатын шұңқырға түсіп кеткен. Оқиға орнына дереу жеткен құтқарушылар жағдайды бағалап, ер адамды арқан арқылы жоғары шығарып, топырақ қабатынан аман алып шықты.
Оқиға орнында зардап шеккен адамға апаттар медицинасы орталығы мен жедел жәрдем қызметі алғашқы медициналық көмек көрсеткен. Ер адамның жағдайы қанағаттанарлық, ауруханаға жатқызу қажет болмаған.
«Құтқарушылар мен медицина қызметкерлерінің үйлесімді жұмысының арқасында ауыр зардаптың алдын алдық», — деп мәлімдеді ТЖМ өкілдері.
Төтенше жағдайлар министрлігі азаматтарға құрылыс нысандары мен траншеялар маңында сақ болуды ескертеді. Осындай оқиғалар қайталанбауы үшін мына кеңестер ұсынылады: