Алматыда екі апта бойы жылу желілері сынақтан өтеді

Алматыда 21 шілде мен 1 тамыз аралығында жылу желілерінде гидравликалық сынақтар жүргізіледі. Бұл – алдағы жылыту маусымына дайындық шарасының бір бөлігі, деп хабарлайды Azattyq Rýhy «Алматы жылу желілері» ЖШС баспасөз қызметіне сілтеме жасап.

Компания өкілдерінің мәліметінше, магистральді және тарату құбырларындағы ақауларды анықтау мақсатында тексеру жұмыстары таңғы 4:00-ден 7:00-ге дейін өтеді. Осы кезеңде тұрғындар мен қала қонақтарынан сақтық шараларын сақтауы сұралады.

Қай аудандарда сынақ болады?

Сынақ жүргізілетін негізгі аумақтар төмендегідей:

• 21–23 шілде: Алмалы, Жетісу, Алатау, Медеу аудандары
• 21 шілде – 1 тамыз: Бостандық, Медеу аудандары, Орбита, Мирас, Қазфильм шағынаудандары
• 22–24 шілде: Ауэзов, Алмалы аудандары – Райымбек, Яссауи, Сейфуллин көшелері
• 23–25 шілде: Айнабұлақ, Көкмайса, Отрар, Бурундай, Жангелдин көшелері
• 24–25 шілде: Қаланың барлық дерлік аудандары: Наурызбай, Алатау, Жетісу, Бостандық, Алмалы, Ауэзов
• 28–30 шілде: Аққайнар елдімекені, Шагабутдинов, Тимирязев, Басанова көшелері
•  28 шілде – 1 тамыз: Есентай өзені, Панфилов, Гоголь, Чайковский көшелері
• 29 шілде – 1 тамыз: Қуанышбаев, Саин, Рыскүлбеков көшелері
• 30 шілде – 1 тамыз: Айманов, Жандосов, Кабанбай батыр көшелері
• 31 шілде – 1 тамыз: Байзақов, Утепов, Розыбакиев көшелері

Тұрғындарға ескерту мен қауіпсіздік нұсқаулығы

Компания тұрғындарға қауіпсіздік талаптарын қатаң сақтауды ескертеді. Сынақтар кезінде төтенше жағдайлар болуы мүмкін, соның ішінде:

• су бетіне шығуы;
• құбыр жарылысы;
• қысымнан пайда болатын апаттық жағдайлар.

«Мұндай кезде өз бетіңізше ешқандай әрекет жасамаңыз. Оқиға орнын дереу тастап, келесі нөмірлерге хабарласыңыз: 378-06-48, 378-06-62 (тікелей желі), Call-орталық: 341-07-00, 341-07-77 (ішкі 1011 немесе 1014), 109 – қала қызметтері нөмірі», – делінген хабарламада.

Ыстық су уақытша ажыратылмайды

Жылу желілері сынақтан өтіп жатса да, тұрғындарға ыстық су үздіксіз беріледі. Бұл – жергілікті билік пен жылу компаниясының басты кепілдіктерінің бірі.