Мәскеудегі нөсер жауын көшелерді шайып, көліктерді зақымдады (ВИДЕО)

15 шілде күні таңғы уақытта Мәскеу аспанын қою бұлт басып, қатты жауын мен найзағай басталды, деп хабарлайды Azattyq Rýhy.

Павелецкая набережнойында санаулы минуттарда көшені су басты – тұрғындар резеңке етікпен жүруге мәжбүр болды.

Автозаводская көшесінде көліктің ішінде қалған екі адамды құтқаруға тура келген.

Нөсер салдарынан Мәскеудің бірнеше ауданында бизнес-орталықтар мен сауда орталықтарының автотұрақтарын су басты.

Сондай-ақ, көпқабатты үйлердің аулаларындағы көліктер де су астында қалып, ондаған көлік зақымданды.

Қала билігі мен төтенше жағдайлар қызметі жаңбыр тоқтағанға дейін сыртқа шықпауға, жеке көлікпен жолға шықпауға кеңес береді.