Қазақстанда темекі бағасы қайта қымбаттады

Қазақстанда 1 шілдеден бастап темекі өнімдерінің ең төменгі бөлшек бағасы өзгерді. Бұл туралы Azattyq Rýhy Қаржы министрлігінің бұйрығына сілтеме жасап хабарлайды.

Жаңа ережеге сәйкес, 2025 жылғы 1 шілде мен 31 желтоқсан аралығында фильтрлі, фильтрсіз темекі, папиростар, сигариллалар және қыздырылатын темекі өнімдерінің ең төменгі бөлшек бағасы 920 теңге болып белгіленді.

2026 жылдан бастап тағы да өседі

Қаржы министрлігінің мәліметіне сәйкес, 2026 жылдың 1 қаңтарынан бастап темекі өнімдерінің ең төменгі бағасы 970 теңгеге дейін көтеріледі.

Темекі бағасының өзгеру динамикасы:

• 2024 жылғы 1 шілде – 31 желтоқсан: 820 теңге;
• 2025 жылғы 1 қаңтар – 30 маусым: 870 теңге;
• 2025 жылғы 1 шілде – 31 желтоқсан: 920 теңге;
• 2026 жылғы 1 қаңтардан бастап: 970 теңге.