Астана қаласының полиция қызметкерлері көлік жүргізушілерді жолда мұқият болуға шақырды
Биыл жол апатынан 95 бала қаза тапты, бұл былтырғы жылмен салыстырғанда 14% көп, деп хабарлайды Azattyq Rýhy 24kz-ке сілтеме жасап.
Қайғылы жағдайлардың алдын алу мақсатында елордада «Жол қауіпсіздігі күні» республикалық акциясы өтті. Іс-шараға 100-ден астам кәмелеттік жасқа толмаған бала мен волонтерлар қатысты.
Оларға «Ережені сақта – өмірді сақта!» деген ұранмен қауіпсіз жүріс-тұрыс дағдыларына арналған флешмоб ұйымдастырылды.
Астана қаласының полиция қызметкерлері көлік жүргізушілерді жолда мұқият болуға шақырды.
«Астана қаласындағы орталық саябақта жол қауіпсіздік күні акциясы өтіп жатыр. Акцияға кәмелетке толмағандар қатысып, жасөспірімдер жол ережесімен танысады. Жол ережелеріне байланысты сұрақтарға жауап береді. Біз білмегенін көрсетеміз», - дейді Жергілікті полиция қызметі басқармасының басшысы Ержан Бахытұлы.
«Біз бүгін полиция департаментімен бірге жолда жүру ережесі бойынша профилактикалық флешмоб өткізіп жатырмыз. Әр адамның жеке бас қауіпсіздігі бірінші кезекте болуы керек және ол басқа адамдарға қауіп тудырмауы керек», - деп атап өтті ерікті Алтын Төлтай.