Қазақстанда киік саны реттелетін болды – Министрлік шешімі шықты

Қазақстанда киік популяциясын реттеу туралы шешім қабылданды. Бұл туралы Экология және табиғи ресурстар министрі Ерлан Нысанбаев Батыс Қазақстан облысындағы фермерлермен кездесуде мәлімдеді, деп хабарлайды Azattyq Rýhy. 

Министрге аймақ тұрғындары егін мен жайылымның жаппай тапталуы салдарынан жүздеген миллион теңге көлемінде шығынға батқанын жеткізді. Фермерлердің айтуынша, бұл – тек экологиялық мәселе емес, ауыл шаруашылығының жүйелі дағдарысына айналған жағдай.

Киік популяциясы ғылыми негізде реттелмек

Министр Ерлан Нысанбаевтың айтуынша, қабылданған шешім мына факторларға негізделген:

• Зоология институтының ғылыми биообоснованиясы
• Фермерлердің ұсыныстары
• Австралия, Канада, АҚШ, Финляндия, ОАР сияқты елдердің тәжірибесі.

«Біз киік санына қатысты реттеу шараларын халықаралық экологиялық келісімдерге, ғылыми ұсынымдарға және халықаралық тәжірибеге сүйене отырып жүргіземіз», – деді министр.

Реттеу қалай жүзеге асырылады?

• Киік санының таңдамалы реттелуі «Охотзоопром» арқылы жүргізіледі
•  Эпизоотикалық мониторинг пен ветсанитарлық бақылау енгізіледі
• Киіктерді қабылдау және өңдеу пункттері дайындалады
• Процеске ауыл шаруашылығы және экология министрліктері, сондай-ақ жергілікті әкімдіктер қатысады.

Киік саны неге артты?

Бірнеше жыл бұрын жойылып кету алдында тұрған киіктер қазір миллиондап көбейген. Мамандардың мәліметінше, 2024 жылдың өзінде олардың саны 2 миллионнан асып кеткен, бұл – шөлейт және жартылай шөлейт аймақтарда жайылым мен егін алқаптарына елеулі қауіп төндіреді.

Киік мәселесі – экология мен ауылшаруашылықтың түйісу нүктесі

• Киік – Қызыл кітапқа енген, биологиялық әртүрлілік үшін маңызды түр
• Соңғы жылдары мемлекет тарапынан қорғау шаралары күшейтілді
• Алайда шаруалар мен мемлекет арасындағы тепе-теңдік табылмай отыр.