Астанада «Ұлы дала қолөнершілер керуен көші» жобасы бастау алды

Астанада «Хас шебер» отандық өнімді дамыту қауымдастығы «Ұлы дала қолөнершілер керуен көші» жобасы қолға алды. Іс-шара елорда әкімдігінің қолдауымен өтіп жатыр, деп хабарлайды Azattyq Rýhy.

Жобаның басты мақсаты – халқымыздың ұлттық қолөнерін заманауи тұрғыда жаңғырта отырып, отандық өнімдердің сапасын арттыру, бәсекеге қабілеттілігін күшейту және дәстүрлі өнердің қоғамдағы рөлін айқындау.

Жобаның бағыттары:

• Ұлттық қолөнерді заманауи тұрғыда жаңғырту;
• Отандық өнімдердің сапасы мен бәсекеге қабілеттілігін арттыру;
• Қазақтың дәстүрлі қолөнерін дәріптеу;
• Қолөнершілердің кәсіби дамуына, өнімдерін нарыққа шығаруға мүмкіндік жасау;
• Отандық өнімдерге сұранысты арттыру және тұтыну мәдениетін қалыптастыру;
• Қолөнершілер мен шығармашылық жастардың өзара байланысын нығайту, тәжірибе алмасу алаңын қалыптастыру;
• Дәстүрлі өнер мен креативті индустрияны үйлестіру;

Жоба аясында Астанада жәрмеңке өтті. Жәрмеңкеге келушілерге отандық шеберлердің авторлық бұйымдары мен ұлттық стильдегі кәдесыйларын тамашалап, сатып алуға мүмкіндік беріледі.

Ал осыдан кейін «Хас шебер» отандық өнімді дамыту қауымдастығының ұйымдастыруымен Сән көрсетілімі өтті. Онда ұлттық нақыштағы заманауи киім үлгілері ұсынылатын сән көрсетілімі дәстүр мен қазіргі заман үйлесімін көрсетеді.

«Жоба арқылы ұлттық қолөнерді заманға сай жаңғырта отырып, оны креативті индустрияның бір бөлігі ретінде дамытуды жоспарлап отырмыз. Жоба арқылы отандық өнімдердің бәсекеге қабілеттілігін арттыру, жергілікті брендтер мен қолөнершілерге кәсіби даму және танылу алаңын ұсыну көзделеді.

Бұл – көшпелі форматтағы шығармашылық-мәдени іс-шара, оның барысында әр аймақтағы қолөнершілер бас қосып, өз туындыларын ұсынады. Жоба тек көрме-жәрмеңке форматымен шектелмейді, ол сән көрсетілімдерін, шығармашылық шеберлік сыныптарын, пікір алмасу кездесулерін және жастарға арналған лекциялар мен диалогтық сессияларды қамтиды. Іс-шараға қатысушылар тек көрермен ғана емес, сонымен қатар интерактивті түрде қатыса алатын тұтынушылар мен келешек кәсіпкерлер болып табылады. Бұл формат шығармашылық әлеуетті оятуға, шеберлер мен дизайнерлерге өз өнімдерін насихаттап, нарыққа бейімдеуге, ал қоғамға ұлттық өнер мен заманауи трендтердің симбиозын ұсынуға бағытталған», - дейді «Хас шебер» отандық өнімді дамыту қауымдастығының президенті Зиуар Жұманова.

Жобаның міндеттері:

• Қазақтың дәстүрлі қолөнерін насихаттап, жастар арасында қызығушылықты арттыру;
• Қолөнершілерге өз өнімдерін нарыққа шығару мен бренд қалыптастыруға мүмкіндік жасау;
• Жергілікті өнім тұтыну мәдениетін арттыру, ішкі нарыққа сұранысты ынталандыру;
• Қолөнершілер, дизайнерлер мен шығармашыл жастар арасындағы коллаборацияны күшейту;
• Креативті индустрия мен дәстүрлі өнердің үйлесімін көрсету;
• Әлеуметтік кәсіпкерлік пен шығармашылық кәсіп түрлерін қолдау.

«Жоба аясында дәстүрлі мәдениет пен инновациялық тәсілдерді біріктіру арқылы жаңа мәдени кеңістік қалыптасады. Бұл өз кезегінде мәдениетті креативті экономикаға айналдыру жолындағы нақты қадам бола алады.

Бұл бастама – ұлттық мәдени мұраны жаңғыртып, оны заманауи креативті индустриямен тоғыстыратын платформа. Ол мәдени және экономикалық жаңғырудың тетігіне айналуы мүмкін.

Егер «Ұлы дала қолөнершілер керуен көшін» жүйелі түрде әрі тұрақты форматта өткізу мүмкін болса, ол Қазақстанның мәдени брендін халықаралық деңгейге шығаруға және ұлттық креативті өнімдердің танымалдығын арттыруға ықпал етеді», - дейді «Хас шебер» отандық өнімді дамыту қауымдастығының вице-президенті Құралай Әсемқұлова.

Жобаның ерекшелігі:

• Креативті индустрияға негізделуі;
• Көшпелі формат;
• Жергілікті брендтерге жол ашу;
• Жаңа мәдени тренд қалыптастыру.

Күтілетін нәтижелер:

Қысқа мерзімді:

• Қолөнершілердің өнімдерін тікелей сату арқылы табыс табуы;
• Жергілікті БАҚ-та кеңінен жариялануы;
• Жастардың ұлттық өнерге қызығушылығының артуы;
• Жаңа коллаборациялар.

Ұзақ мерзімді:

• Ұлттық қолөнер өнімдерінің бренд ретінде қалыптасуы;
• Аймақтық және халықаралық деңгейде таныла бастауы;
• Қазақстандық өнімдердің экспорттық әлеуетінің артуы;
• Туризм мен креативті экономикаға мультипликативті әсері.

Тұрақты ұйымдастырылған жағдайда жобаның әлеуеті:

• Шеберлердің көрмесі, базарлары, көрсетілімдері өткізіліп, аймақтық туризм дамиды;
• Қаржыландыру көздері пайда болады;
• Арнайы білім беру бағдарламалары мен гранттар қалыптасады;
• «Қолөнер дизайнерлігі» нарыққа енеді;
• Халықаралық деңгейге шығу мүмкіндігі артады.

Креативті индустриямен байланысы:

• Креативті кәсіпкерлікке жол ашады;
• Қолөнерді контентке айналдырады;
• Шығармашылық кәсіп иелеріне платформа ұсынады;
• Digital форматпен қатар дамиды.