Оның алимент бойынша жалпы қарызы 12,6 млн теңгеге жеткен
Жамбыл облысы Байзақ ауданының прокуратурасы алимент төлемеген азаматқа қатысты қылмыстық жауапкершілік шараларын қабылдады, деп хабарлайды Azattyq Rýhy.
2024 жылдың 2 қыркүйегінде Байзақ аудандық прокуратурасы кәмелетке толмаған балаларға алимент төлеуден қасақана жалтарған «Н» азаматына қатысты ҚР Қылмыстық кодексінің 139-бабы бойынша сотқа дейінгі тергеу бастады.
Борышкердің төлеу мүмкіндігі бола тұра, ол 7 жыл бойы міндетін орындамай келген. Нәтижесінде 2018 жылдан бері алимент бойынша жиналған қарыз сомасы 12,6 миллион теңгеге жеткен.
2025 жылдың 25 сәуірінде Жамбыл облысының кәмелетке толмағандар ісі жөніндегі мамандандырылған ауданаралық соты «Н» азаматын ҚР ҚК-нің 139-бабымен кінәлі деп танып, 1 жыл мерзімге бас бостандығын шектеу жазасын тағайындады.
Аталған үкім әзірге заңды күшіне енген жоқ.
Жамбыл облысының прокуратурасы балалардың құқықтарын қорғау бағытындағы жұмысын жалғастырып жатыр. Құзырлы орган барлық ата-аналарға құқықтық міндеттемелерін орындаудың маңыздылығын ескертеді.