Алматыда жер үй синтетикалық есірткі шығаратын орынға айналған

Алматы қаласында полиция қызметкерлері жасырын есірткі зертханасын анықтады. Күдіктілер Алғабас ықшамауданындағы жеке үйді синтетикалық есірткі өндірісіне бейімдеген, деп хабарлайды Azattyq Rýhy.

5 келіден астам есірткі тәркіленді

Үйге тінту жүргізу барысында аса ірі көлемде – 5 келіден астам a-PVP есірткі заты тәркіленді. Бұл – синтетикалық психостимуляторлардың қауіпті түріне жатады.

Қылмыстық топтың мүшелері ұсталды

Жедел-іздестіру шаралары барысында қылмыстық схемаға қатысы бар адамдар анықталып, қолға түсті:

• Есірткі дайындаушылар;
• Интернет-курьер;
• Есірткі сататын интернет-дүкеннің иесі (ұйымдастырушы).

Барлық күдіктілер уақытша ұстау изоляторына қамалды.

Есірткімен күрес – басты міндеттердің бірі

ІІМ мәліметінше, синтетикалық есірткі өндірісі мен таратылуы қоғам үшін аса қауіпті қылмыс түрі саналады. Мұндай фактілер анықталған жағдайда азаматтардан полицияға шұғыл хабарласу сұралады.