Азия біріншілігінде ауыратлеттеріміз екі медаль ғана иеленді
Қытайдың Цзяншань қаласында ауыр атлетикадан өткен Азия чемпионатында Қазақстан құрамасы жарысты аяқтады, деп хабарлайды Azattyq Rýhy.
Ұлттық құрама жарыс қорытындысы бойынша екі медаль жеңіп алды. Алайда бұл жолы қазақстандық ауыр атлеттер жеңіс тұғырының ең биік сатысына көтеріле алған жоқ.
73 келіге дейінгі салмақ дәрежесінде Пётр Хребтов қола медаль иеленсе, 102 келіге дейінгі салмақта әлем чемпионы Артём Антропов күміс жүлдеге қол жеткізді.
Ал Егор Шерер (89 келіге дейін) мен Любовь Ковальчук (87 келіден жоғары) жүлдеге бір қадам жетпей қалды.