Павлодар облысында бір ай бұрын Ертіс өзеніне батып кеткен ер адамның мәйіті табылды

Павлодар облысында осыдан бір ай бұрын Ертіс өзеніне секіріп, сол қалпы қайтып шықпаған ер адамның мәйіті табылды, деп хабарлайды Azattyq Rýhy.

Kerek.pv Telegram каналының мәліметінше, марқұмның денесі Железинка ауылынан 8 шақырым жерде табылған.

Еске салайық, Павлодар облысында Ертіс өзенінің жағасына демалуға келген топ үшін оқиға қайғылы жағдайға айналды. Ер адамдардың бірі түнде суға түсіп, сол қалпы қайтып шықпаған. Оқиға 12 сәуір күні Тереңкөл ауданындағы Береговое ауылына жақын жерде болған.

Айта кетерлігі, оқиға болған Береговое ауылы мен мәйіт табылған Железинка ауылының арасы Google Maps-та шамамен 60 км алшақ жатқаны көрсетілген.