Абай облысында жыл басынан бері жол апатынан 11 адам қаза тапты

Абай облысында жыл басынан бері жол апатынан 400-ден астам адам түрлі жарақат алды, деп хабарлайды Azattyq Rýhy.

Облыстық Полиция департаментінің мәліметінше, 2025 жылдың басынан бері жол-көлік оқиғаларынан 11 адам қаза тауып, 411 адам жарақат алған. Негізгі себеп – жылдамдықты асыру, қауіпті маневрлер және жауапсыздық.

Республикалық жолдарда қабылданған шаралар:

• Жылдамдықты уақытша шектеу (90/70/50 км/сағ),
• Жолдың тарылуы туралы ескерту белгілері,
• Назар аудартатын стробоскоптар орнатылды.

«Жол қауіпсіздігі – ең алдымен жүргізушінің саналы әрекетінде. Қауіпсіздік – әрбір көлік қатысушысының қолында», - делінген ПД хабарламасында.