Кішкентай қыз жолдан өтіп бара жатқан
Астанада жолаушылар автобусы жолдан өтіп бара жатқан оқушы қызды қағып кетті, деп хабарлайды Azattyq Rýhy.
Telegram-дағы Kris_p_astana арнасының мәліметінше, оқиға жол ережелеріне сай белгіленген өткелде болған. Алайда белгісіз себептермен автобус жүргізушісі уақытында тежегіш басып үлгермеген.
Жол-көлік оқиғасы салдарынан қыз бала түрлі жарақат алып, дереу балалар ауруханасына жеткізілді. Дәрігерлер оған қажетті медициналық көмек көрсетіп жатыр.
Сондай-ақ, автобустың салонда болған бір жолаушы да қатты тежеу кезінде жарақат алып, медициналық мекемеге жеткізілген.
Қазір жол-көлік оқиғасына байланысты тексеріс жүріп жатыр. Астана қалалық полиция департаменті барлық жол қозғалысына қатысушыларды қауіпсіздік ережелерін сақтауға және жолда барынша мұқият болуға шақырады.