Полиция атыс қаруы бар екі адамды ұстады
Алматыдағы Өжет ауданында белгісіз біреулер түн ортасында атыс ұйымдастырды. Зардап шеккендер туралы хабарланған жоқ, полиция қылмыстық іс қозғады, деп хабарлайды Azattyq Rýhy.
Оқиғаның барысы видеоға түсіріліп, желіге жарияланды. Кадрда қатысушылардың бірі оқиға орнынан кетіп бара жатқан көлікке мылтықтан оқ атып жатқанын көруге болады.
Полиция атыс қаруы бар екі адамды ұстады. Олардың қаруы тәркіленді.
«Олар уақытша ұстау изоляторына қамалды. Осы факті бойынша Түрксіб ауданының полиция басқармасы қылмыстық іс қозғады», - деп хабарлады Алматы қаласының полиция департаменті.
Ведомство тергеу іс-шараларын жүргізеді.