Ақмола облысында жол апатынан 6 адам зардап шекті: арасында үш бала бар
Қазіргі уақытта сотқа дейінгі тергеу жүргізіліп жатыр
Фото: istockphoto.com
Ақмола облысында жол-көлік оқиғасы салдарынан алты адам зардап шекті, деп хабарлайды Azattyq Rýhy.
«Осы жылдың 5 сәуірінде Степногорск-Азат-Ақкөл автожолының 22 шақырымында JAC және Subaru автомобильдерінің қатысуымен жол-көлік оқиғасы болды. ЖКО нәтижесінде 6 адам түрлі дене жарақаттарымен медициналық мекемеге жатқызылды. Зардап шеккендер арасында кәмелетке толмаған үш бала бар», - деді Ақмола облысы полиция департаментінің баспасөз қызметі.
Қазіргі уақытта сотқа дейінгі тергеу жүргізілуде, оның нәтижелері бойынша процестік шешім қабылданатын болады.