Доллардың ресми бағамы жарияланды
Қазақстан қор биржасындағы (KASE) күндізгі сауданың қорытындысы бойынша доллардың орташа бағамы 2,79 теңгеге көтеріліп, 504,34 теңгені құрады, деп хабарлайды Azattyq Rýhy.
Қазақстан Республикасы Ұлттық банкінің 4 сәуірдегі мәліметі бойынша доллардың ресми бағамы – 501,57 теңге.
Kurs.kz мәліметінше, қазір Алматыдағы ақша айырбастау орындарында долларды сатып алудың орташа бағамы 504,85 теңгені, ал сату бағамы 507,18 теңгені құрап отыр. Астанадағы ақша айырбастау орындарында долларды орташа алғанда 502,98 теңгеден сатып алып, 508,98 теңгеден сатуда.