Қазақстанның үш өңірінде жол қозғалысы шектелді

Қазақстанда 29 наурыз күні ауа райының қолайсыздығына байланысты бірнеше республикалық автожолда көлік қозғалысына шектеу қойылды, деп хабарлайды Azattyq Rýhy «ҚазАвтоЖол» ұлттық компаниясына сілтеме жасап.

Сағат 08:00-дегі жағдай бойынша үш облыстағы жолдар жабық:

• Ақтөбе облысы: «Қандыағаш – Ембі – Шалқар – Ырғыз» автожолының 3-92 шақырымы (Қандыағаш қаласынан Ембі қаласына дейін).
• Қостанай облысы: Қазақстан мен Ресей шекарасындағы бейтарап аймақ, Мариновка ауылы маңында (РФ шекарасы).
• Солтүстік Қазақстан облысы: «Петропавл қаласын айналып өту» автожолының 4-7 шақырымы (Қожаберген жырау айналма жолынан Есіл өзені көпіріне дейін).

Жүргізушілерге жолға шықпас бұрын ауа райы болжамын және жол қозғалысы жағдайын мұқият тексеру ұсынылады.