БҚО, Алматы, Жамбыл мен Қостанай облыстары балаларға сексуалдық зәбір көрсетуден көш бастап тұр

Балалар омбудсмені кәмелетке толмағандарға қарсы жыныстық қылмыстар ең көп тіркелген өңірлерді атады, деп хабарлайды Azattyq Rýhy.

Балалар құқықтары жөніндегі уәкіл Динара Зәкиева Қазақстанда жыл сайын кәмелетке толмағандарға қатысты шамамен 900 жыныстық сипаттағы қылмыс тіркелетінін мәлімдеді. Мұндай құқық бұзушылықтар көбінесе Алматы, Түркістан, Батыс Қазақстан, Қостанай және Жамбыл облыстарында кездеседі.

Омбудсменнің айтуынша, «Бала қауіпсіздігі және әйелдер құқығы туралы» заң күшіне енгеннен кейін осы санаттағы ауыр қылмыстар үшін 25-27 адам өмір бойына бас бостандығынан айырылған.