Желіде өртеніп жатқан үйдің видеосы тарады
Оқиға куәгерлерінің айтуынша, жер үйдің ауласындағы қора жанған, адамдар дін аман, деп хабарлайды Azattyq Rýhy.
Үй ішінен ішімдік ішкен үш адам дер кезінде шығарылып, олардың өміріне қауіп төнбеген. Оқиғаға қатысты ТЖМ ресми хабарлама таратты.
Кейін анықталғандай, Қарасай ауданы Алматы-Жандосово тас жолының 21 шақырымында жеке тұрғын үйдің аумағында қора жанған.
«ТЖМ күштері өртті шағын алаңда толығымен сөндірді. Зардап шеккендер жоқ. Себебі анықталып жатыр. Азаматтарды тұрмыстағы өрт қауіпсіздігі ережелерін сақтауға шақырамыз», – делінген хабарламада.