ШҚО-ның тағы екі ауданында жұмыс уақытына өзгеріс енгізілді

24 ақпаннан бастап Марқакөл және Үлкен Нарын аудандарында өңірдің табиғи жағдайларына бейімделген жаңа жұмыс уақыты енгізілді, деп хабарлайды Azattyq Rýhy.

 Жаңа жұмыс тәртібі:

•  08:00 – 17:30 – жұмыс күні
•  12:00 – 13:30 – түскі үзіліс

Аудан әкімдіктерінің мәліметінше, бұл өзгеріс күннің ерте шығуы мен кеш батуына байланысты қабылданған. Жаңа кесте тұрғындардың күндізгі уақытты тиімді пайдалануы үшін енгізілді.

Бұл бастама қалай қабылданды?

• Жұртшылықпен талқылаудан кейін мақұлданды;
•  Облыстық басқарма басшыларынан құралған мобильді топ жергілікті жерлерде түсіндіру жүргізді.

Осыған дейін:

•  Катонқарағай ауданында осындай өзгеріс енгізілген;
•  Қазір аудандағы 40 мекеме 08:00-ден 17:30-ға дейін жұмыс істейді.