Алматыда бұрынғы тергеуші әйел есірткімен ұсталды
Одан полицияның аға лейтенанты деген қызметтік куәлік табылған
Алматыда екі әйел есірткі сақтады және сатты деген күдікпен ұсталды. Олардың бірі бұрын құқық қорғау органдарында қызмет атқарған, деп хабарлайды Azattyq Rýhy Kozachkov offsideTelegram-арнасына сілтеме жасап.
«Күдіктілерден екі пакет табылған. Алдын ала мәліметтерге сәйкес, олардың бірінде шамамен 2 кг ауған гашиші, ал екіншісінде 1,5 кг мефедрон болған. Бұл есірткі заттары заңсыз айналымда жүрген күшті психотроптық заттардың қатарына жатады», — делінген хабарламада.
Тергеу барысында ұсталғандардың бірінде полицияның аға лейтенанты деген қызметтік куәлік болған. Ол Елена Володченко есімді азаматшаға тиесілі екені анықталды. Журналист Михаил Козачков өзінің Telegram-каналында бұл куәлікке қатысты ІІМ-ге сұраныс жібергенін және ведомстводан Володченконың өткен жылы құқық қорғау органдарынан босатылғанын растағанын жазды.
«Алматы қалалық Полиция департаменті аталған оқиғаға байланысты ресми түсініктеме берді. Олардың мәліметінше, күдіктілер жалға алған пәтерде жүргізілген тінту кезінде есірткі заттары тәркіленген. Қазіргі уақытта сот-химиялық сараптама жүргізіліп, есірткінің нақты құрамы мен шығу тегі анықталып жатыр», — деп жазылған хабарламада.
25 жастағы екі күдікті уақытша ұстау изоляторына қамауға алынды. Тергеу жұмыстары жалғасып жатыр.
