Тінту барысында 7 килограммнан аса «альфа-PVP» есірткі құралы табылды
ҰҚК Шымкентте зертхана ашып, есірткі өсірген Қазақстан азаматын 6 ақпан күні қолға түсірді, деп хабарлайды Azattyq Rýhy.
Психотроптық заттарды дайындау барысында ұсталған азамат соттың санкциясымен қамауға алынды.
«Тінту барысында 7 килограммнан аса «альфа-PVP» есірткі құралы, 500 литр прекурсорлар мен зертханалық жабдықтар тәркіленген.
Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізілуде.
Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды», - делінген ҰҚК хабарламасында.