Оқиға салдарынан зардап шеккендер жоқ.
1 ақпанда сағат 15:30 шамасында Қарағанды-Сортировочная станциясында жүк пойызының бір вагоны рельстен шығып кетті, деп хабарлайды Azattyq Rýhy «ҚазАқпаратқа» сілтеме жасап.
«Қазақстан темір жолы» (ҚТЖ) баспасөз қызметінің мәліметінше, оқиға барысында ешкім зардап шекпеген.
«Алдын ала мәлімет бойынша, вагонның рельстен шығуына оның бүйір жақтауының сынуы себеп болған. Апатқа ұшыраған вагон Өзбекстанға тиесілі», – деп хабарлады ҚТЖ өкілдері.
Оқиғаның нақты себебі анықталуда.