Қарағандыда жүк пойызының вагоны рельстен шықты

Оқиға салдарынан зардап шеккендер жоқ.

Фото: istockphoto.com

1 ақпанда сағат 15:30 шамасында Қарағанды-Сортировочная станциясында жүк пойызының бір вагоны рельстен шығып кетті, деп хабарлайды Azattyq Rýhy «ҚазАқпаратқа» сілтеме жасап.

«Қазақстан темір жолы» (ҚТЖ) баспасөз қызметінің мәліметінше, оқиға барысында ешкім зардап шекпеген.

«Алдын ала мәлімет бойынша, вагонның рельстен шығуына оның бүйір жақтауының сынуы себеп болған. Апатқа ұшыраған вагон Өзбекстанға тиесілі», – деп хабарлады ҚТЖ өкілдері.

Оқиғаның нақты себебі анықталуда.

Алдыңғы жаңалық

40 күн өтті: Бакуде Ақтау маңындағы ұшақ апатынан қаза тапқандарды еске алды