Шығыс Қазақстан облысында қар көшкіні жүруі мүмкін

Шығыс Қазақстан облысының таулы жерлерінде 1-4 ақпан аралығында қар көшкіні жүру қаупі бар, деп хабарлайды Azattyq Rýhy «ҚазАқпаратқа» сілтеме жасап.

«Метеорологиялық жағдайдың өзгеруіне, қардың толассыз жаууына және желдің күшеюіне байланысты қар көшкіні жүруі мүмкін. Осыған байланысты тұрғындарға барынша сақ болуды, тауға шықпау керектігін ескертеміз. Егер қиындыққа тап болсаңыздар, шұғыл түрде «112» нөміріне хабарласыңыздар», – деп хабарлайды ШҚО төтенше жағдайлар департаменті баспасөз қызметі.

Құтқарушылар тұрғындарға алыс сапарға шығар алдында жол жағдайын «Дәрмен» мобильдік қосымшасы арқылы тексеруді ұсынды.