Қозғалыс шектеулері көліктің барлық түріне енгізілген
«ҚазАвтоЖол» ауа райының нашарлауына байланысты төрт облыста республикалық маңызы бар жолдардың жабылатынын ескертті, деп хабарлайды Azattyq Rýhy.
Компания мәліметінше, 23 қаңтар күні сағат 16:00-дегі жағдай бойынша Қостанай, Абай, Жетісу, Ұлытау облыстарында жолдар жабылған.
Ауа райының нашарлауына байланысты қозғалыс шектеулері көліктердің барлық түріне қатысты.
Қазір 956 техника мен 2049 жол жұмысшысы жолдарды тазалауда.