Ол қарсы бетке шығып кетіп, газель көлігімен соқтығысты
Қайғылы оқиға кеше кешкісін болды. 39 жастағы ер адам алған жарақатынан оқиға орнында көз жұмды, деп хабарлайды Azattyq Rýhy.
Hyundai Accent көлігінің 39 жастағы жүргізушісі Қалбатау ауылынан Семейге қарай кетіп бара жатқан. Ол алдындағы көлікті басып озбақ болғанда қарсы келе жатқан Газельді көрмей, бетпе-бет соқтығысты.
Ер адам алған жарақатынан оқиға орнында көз жұмды. Екінші жүргізушінің жағдайы белгісіз.
Абай аудандық полициясы оқиғаға қатысты сотқа дейінгі тергеуді бастады.