Зардап шеккендер мен қаза тапқандар жоқ
Алматы қаласының Түрксіб ауданындағы «Қайрат» шағынауданында орналасқан 10 қабатты тұрғын үйдің жетінші қабатындағы пәтерде өрт болды, деп хабарлайды Azattyq Rýhy ҚР Төтенше жағдайлар министрлігінің баспасөз қызметіне сілтеме жасап.
Өрт кезінде пәтердегі жиһаздар мен тұрмыстық заттар жанған. Жалын 20 шаршы метр аумақты қамтыған.
«Төтенше жағдайлар қызметі өрт шыққан ғимараттан 14 тұрғынды баспалдақ арқылы қауіпсіз жерге эвакуациялады. Өрт салдарынан зардап шеккендер мен қаза тапқандардың жоқ. Қазіргі уақытта өрттің шығу себебі анықталып жатыр», — делінген хабарламада.
Төтенше жағдайлар қызметі азаматтарды өрт қауіпсіздігі ережелерін сақтауға және төтенше жағдай туындаған жағдайда 112 нөміріне дереу хабарласуға шақырады.