Қазақ тілі үшін сынға қалған Черчесов қазақша тілек арнады
Ол жаңа жылға арнап тілегін білдірді
Футболдан Қазақстан ұлттық құрамасының бас бапкері ресейлік Станислав Черчесов жаңа жыл қарсаңында қазақ тілінде тілек арнады, деп хабарлайды Azattyq Rýhy.
«Құрметті футболсүйер қауым, сіздерді келе жатқан Жаңа 2025 жылмен құттықтаймын! Сіздерге зор денсаулық, бақыт және береке тілеймін. Жыл тек жарқын оқиғалар мен жақсы жаңалықтарға толы болсын! Мен сіздерге барлық жақсылық атаулыны тілеймін!» - деп жазды Станислав Черчесов Instagram парақшасында.
Айта кетейік, осыған дейін баспасөз конференцияларының бірінде Станислав Черчесов қазақ тіліне қатысты әзілі үшін сынға қалған. Сол сияқты ұлттық құраманың да нәтижесі сын көтермейді. Ресейлік маман бас бапкер болып тағайындалғалы бері команда қарсыластарына бірде бір гол соға алмай келеді.
