Күдіктілер ұсталып, уақытша ұстау изоляторына қамалды
Алматыдағы 28 панфиловшы-гвардияшылар атындағы саябақ маңында атыс болды, деп хабарлайды Azattyq Rýhy.
Желіде тараған ақпараттарға сүйенсек, оқиға бүгін, 22 желтоқсан күні таңғы сағат 4.34 шамасында болған.
Алматы қалалық Полиция департаменті аталған ақпаратты растап, түсініктеме берді.
«Медеу аудандық полиция басқармасы бұзақылық фактісі бойынша қылмыстық іс қозғады. Күдіктілер ұсталып, уақытша ұстау изоляторына қамалды. Басқа мән-жайлар анықталып жатыр»,– деп хабарлады ПД баспасөз қызметінен.