ТЖМ қыс мезгілінде қауіпсіздік ережелерін сақтау қажеттілігі туралы ескертеді
Маңғыстау облысында Жаңаөзен - Түрікменстан Республикалық маңызы бар трассасының учаскесінде ауа-райының нашарлауына және қалың қардың түсуіне байланысты жүк көліктері қар үйіндісіне тап болды. Жүк көліктерінің бірі тіпті жол шетіне шығып кетті, деп хабарлайды Azattyq Rýhy ТЖМ баспасөз қызметіне сілтеме жасап.
Аймақтық құтқару бөлімшелерінің қызметкерлері дереу жүргізушілерге көмектесуге шықты.
«Құтқарушылар жолды тазалап, көліктерді сүйреп, қозғалысты қалпына келтіруге көмектесті. Жұмыстар «ҚазАвтоЖол» қызметкерлерімен бірлесіп жүргізілді.
ТЖМ қыс мезгілінде қауіпсіздік ережелерін сақтау қажеттілігі туралы ескертеді. Дауылды ескертулерге назар аударыып, ауа-райы нашарлаған жағдайда алыс жолға шықпауға шақырады.