Ол екі жыл бұрынғы жетістігін тағы қайталады
Таиландтың Чиангмай қаласында өтіп жатқан бокстан Азия чемпионатында +92 кг салмақта сынға түскен Айбек Оралбай алтын медаль иеленді, деп хабарлайды Azattyq Rýhy.
Аса ауыр салмақтағы (+92 кг) боксшы екі жыл бұрынғы Аммандағы жетістігін тағы қайталап, жеңімпаз атанды. Ол финалда Қытай өкілі Абудурешити Ремуланы сан соқтырды. Осылайша, Айбек командаға кезекті алтынды салды.
Айта кетейік, спортшымыз жартылай финалда өзбек боксшысы Жахонгир Зокировпен кездесіп, сенімді жеңіске жеткен болатын.
Париж Олимпиадасында Айбек Оралбай 1/4 финалда сүрінген болса, оның егіз бауыры Нұрбек күміс медальға қол жеткізген болатын.