Жамбыл облысында 13 жылдан астам уақыт тығылып жүрген қылмыскер ұсталды

Ол 2011 жылы есірткі тасымалдаумен ұсталған

Фото: Polisia.kz

Қылмыс жасап, құқық қорғау органдарынан 13 жылдан астам уақыт бойы жасырынған адам Жамбыл облысындағы ауылдардың бірінде ұсталды. Бұл туралы Azattyq Rýhy агенттігі Polisia.kz-ке сілтеме жасап хабарлайды.

Белгілі болғандай, 2011 жылы Арқалық маңында бір тоннадан астам марихуана тасымалдаған қылмыстық топ ұсталған. Оларды ұстау барысында сегіз адам қамауға алынғанмен, күдіктілердің бірі жасырынып үлгерген.

Осы жылдың қараша айында ІІМ криминалдық полиция департаментінің қызметкерлеріне іздеуде жүрген адамның Жамбыл облысының ауылдарының бірінде екендігі туралы жедел ақпарат түскен.

Жүргізілген жедел-іздестіру іс-шараларының нәтижесінде күдікті ұсталып, уақытша ұстау изоляторына қамалды.

Мақалада

#Жамбыл облысы #күдікті #полиция #қылмыскер

Алдыңғы жаңалық

Белсенді Дидар Смағұлов АҚШ-тағы Энтони Блинкеннің қолынан қандай марапат алды