Бокстағы жанжал: экс-министрдің ағасы төрешімен төбелесті (ВИДЕО)

Ақтауда бокстан кезекті турнир өтіп жатқан сәтте жаттықтырушы Ерік Маржықпаев төрешіге қатысты наразылығын жұдырықпен білдірді, деп хабарлайды Azattyq Rýhy Kozachkow телеграмм каналына сілтеме жасап.

Ерекше назар аудартатын жайт – дәл осындай оқиға осыдан жеті жыл бұрын да болған. Сол кезде Ерік Маржықпаев басқа турнирде төрешіні ұрып, дисквалификацияға ұшыраған еді.

Ол кезде жаттықтырушы арбитрлердің оның ұлына әділетсіз шешім шығарғанына наразы болған. 

Айта кетейік, Ерік Маржықпаевтың спорт әлеміндегі тағы бір танымал тұлғамен туыстығы бар. Ол бұрынғы туризм және спорт министрі Ермек Маржықпаевтың туған ағасы. Шенеунік Олимпиададағы сәтсіздіктен кейін қызметінен кеткен болатын.