Балаларды ТЖМ құтқарушылары лифтіден шығарып алды
Астанадағы тұрғын үйлердің бірінде екі бала лифт ішінде қалып қойды, деп хабарлайды Azattyq Rýhy.
ТЖМ мәліметінше, Астана қаласының Есіл ауданындағы тұрғын үйлердің бірінде 3-4 қабаттардың аралығында лифтіде екі бала қалып қойған.
«Шақыру орнына келген құтқарушылар «Фомка» әмбебап ломның көмегімен лифт есігін ашып, 2014 және 2015 жылы туған балаларды құтқарды», - делінген ТЖМ хабарламасында.
Балалар ата-аналарына табысталды. Оларға медициналық көмек қажет болмады.