Талғарда изолятордан қашқан күдікті бойынша лауазымды қызметкерлер жазаланды – министр

Ішкі істер министрі Ержан Сәденов Талғардың түрмесінен қашуға жол бергендер қалай жазаланатынын айтты, деп хабарлайды Azattyq Rýhy.

«Өкінішке қарай, бұл өз ісіне дұрыс қарамағаннан болды. Әдейі ешкім қашырған жоқ. Қызметтік тексеріс жүргіздік. Бірқатар басшылық құрам мен тікелей жауапты қызметкер жауапқа тартылды. Осы оқиға бойынша қылмыстық іс қозғалды. Оның аясында бәрін қараймыз. Тікелей осыған жол бергендер жауапқа тартылды», - дейді Сәденов.

Еске салсақ, Алматы облысы Талғар ауданындағы уақытша ұстау изоляторына қамалған зорлау ісі бойынша күдікті 21 қазанда қашып кеткен еді. Кейін ол ұсталып, қашқаны үшін де қылмыстық іс арқалады.