Ерке Есмахан Баян Мақсатқызының «КешYOU» тобында өнер көрсеткен
Танымал продюсер Баян Мақсатқызы өзінің «КешYOU» тобында өнер көрсеткен Ерке Есмаханның жұлдызы қалай жанғаны туралы сыр шертті, деп хабарлайды Azattyq Ryhy.
Пордюсер шәкірті туралы танымал тележүргізуші Дина Төлепберген YouTube бағдарламасында ойын айтты.
«Маған келіп, «Баян Мақсатқызы, сіз Кәмшаттың, Жанардың, Мөлдірдің жұлдызын жақтыңыз. Неге менің жолым болмай жатыр? Мен сол кезде «Ерке, аздап күту керек. Сенің жұлдыз болатын шағың әлі келеді. Берілме. Сенің құлаққа жағымды үнің – Жаратқаннан берілген сый. Саған бұл дауысты тектен тек берген жоқ. Сенің дауысың ерекше. Оны бағаламау мүмкін емес. Тек өз уақытыңды күтуің керек» дейтінмін. Ол да менің бұл сөзімді растайды.
Үйіме келіп, еңіреп тұрып жылайтын. Не істесе де жолымыз болған жоқ. Бір рет, екі рет, үш рет. Ұзақ уақыт бағы жанбай жүрді. Ал одан кейін қалай жарып шықты!? Бейне бір зымыран сияқты ұшты. Ерке ескі мерседес көлігі сияқты. Алдымен дөңгелегін ауыстырдық, ары қарай терезесін, содан кейін бамперін өзгерттік. Сыртын жуып, бояп шықтық. Олар нарықта 18 жылдан бері жүр. Міне 18 жыл бойы үнемі осылай жалғасып жатыр», - деді Баян Мақсатқызы.