Ол пробациялық бақылаудан уақытылы өтіп, мемлекетке келген шығынды толық өтегенін айтқан
Мемлекет қаржысын талан-таражға салып, жемқорлық жасады деген айыппен 10 жылға сотталып, бір жарым жылдан кейін түрмеден бостандығы шектеліп босап шыққан Экс премьер-министр сотқа өтініш білдіріпті, деп хабарлайды 31 арна.
Серік Ахметов сот алқасынан енді қалған екі жыл жаза мерзімінен шартты түрде босатуын сұрайды. Оның арызы Қарағанды сотында кеше қаралуы тиіс болған. Бірақ өтініш мемлекеттік айыптаушыларға беріліп, сот процесі қазанның 25-не шегерілді. Серік Ахметов бостандығы шектеулі болып жүрген кезінде жұрт көзіне түсе бермей, пробациялық бақылаудан уақытылы өтіп тұрған екен. Әрі мемлекетке келген шығынды толық өтедім депті Ахметов.