Терезесі ұшып, кірпіштері құлады: Ақтауда құрылысы жүріп жатқан нысан маңайына қауіп төндіріп тұр
Құрылыс нысанынан түрлі заттар жан-жаққа құлап жатыр
Ақтауда құрылысы жүріп жатқан нысан желді күні маңайына қауіп төндіріп тұр. Нысаннан түрлі заттар жан-жаққа құлап жатқаны видеоға түсіп қалды, деп хабарлайды Azattyq Rýhy.
Бұл жағдайға байланысты қалалық сәулет және қала құрылысы бөлімі мәлімдеме жасады.
«Ауа райының қолайсыздығына байланысты аталған нысанға жауапты құрылыс компаниясына қауіпсіздікті қамтамасыз ету бойынша ескерту берілді. Құрылыс нысаны маңындағы қауіпсіздікті қамтамасыз ету бойынша ескерту қаладағы құрылыс жүргізіп жатқан барлық нысан иелеріне берілуде. Сонымен қатар, құрылысы жүріп жатқан барлық нысанның иелеріне қауіпсіздікті қамтамасыз ету бойынша хат жолданады», - делінген Ақтау қалалық сәулет және қала құрылысы бөлімі таратқан хабарламада.
