Қырғызстан 12 жылдық білім беру жүйесіне кезең-кезеңімен көше бастайды
2025 жылдан бастап Қырғызстан 12 жылдық білім беру жүйесіне кезең-кезеңімен көше бастайды. Министрлер кабинетінің шешіміне сәйкес, балалар 6 жастан бастап мектепке барады, ал нөлінші сынып бірінші сынып болып есептеледі, деп хабарлайды Azattyq Rýhy 24.kg сайтына сілтеме жасап.
Бұл процесс 2027 жылға дейін жалғасады және әртүрлі сынып оқушыларын қамтиды. 2025-2026 оқу жылында қазіргі үшінші сынып оқушылары бірден бесінші сыныпқа өтсе, алтыншы сынып оқушылары сегізінші сыныпқа ауысады. Алдағы жылдарда да осындай ауысулар жалғасып, 2027 жылға дейін толықтай 12 жылдық жүйеге көшу аяқталады.
Қырғызстанның Білім министрлігі әр оқушы тек бір рет қана осындай ауысудан өтетінін, бұл өзгерістер түлектердің жасына әсер етпейтінін атап өтті.
12 жылдық жүйедегі алғашқы түлектер 2037 жылы мектепті бітіреді. Бұл жылы жаңа жүйе бойынша білім алған алғашқы оқушылар аттестаттарын алады.