Полиция қызметкерлері екі бап бойынша әкімшілік хаттама толтырды
Ақмола облысында қарсы жолаққа шығып, полиция қызметкерлерінен қашып кетпек болған мас жүргізуші ұсталды, деп хабарлайды Azattyq Rýhy.
Көкшетау-Омбы автожолында мас ақмолалық жол ережесін бұзған. Патрульдік полиция взвод командирінің айтуынша, трасса учаскесін патрульдеу кезінде 14 шақырым жерде қызметтік автокөліктің қарсы жолағына «Ваз 2170» жеңіл көлігі шығып кеткен.
«Патрульшінің талаптарына бағынбай, құқық бұзушы қозғалысты жалғастырды және біраз уақыттан кейін сол жолда ұсталды. Кейінірек автомобиль жүргізушісінің мас болғаны соншалық, ол көліктен өздігінен әрең шықты. Сонымен қатар, ол автокөлікті құжатсыз жүргізген. Ол бұған дейін жүргізуші куәлігін ешқашан алған емес. Ақмолалық өзінің мінез-құлқын отбасындағы проблемалармен түсіндірді.
Полиция қызметкерлері оған қатысты кодекстің екі бабы бойынша әкімшілік хаттама жасады: 608-бап 6-б (басқаруға құқығы жоқ адамның алкогольдік мас күйінде көлік құралын басқару) және 596-бап 3-б (қарсы жолаққа шығу)», - делінген облыстық Полиция департаментінің хабарламасында.