Олардың қолында QR-код бейнеленген 300-ден астам парақ болған
Алматыда «50 000 рубльден бастап барлығына жұмыс, еркін жұмыс кестесі, жоғары жалақы» деген мәтінде хабарландыруы бар парақтарды жабыстырып жүрген екі адам ұсталды, деп хабарлайды Azattyq Rýhy.
Олардың қолында QR-код бейнеленген 300-ден астам парақ болған. Ал QR-код арқылы есірткі сататын Telegram каналға сілтеме жасалады.
«Сотқа дейінгі тергеп-тексеру бойынша Қазақстан Республикасы Қылмыстық кодексінің 299-1-бабына сәйкес, алты жылға дейін бас бостандығынан айыру жазасы көзделген, тиісті жедел іс-шаралар жүргізілуде», - делінген қалалық прокуратура таратқан хабарламада.