Астанада алғашқы қар жауды

Автор: Azattyq Rýhy

Республиканың бірқатар аймағында үсік жүреді

Фото: istockphoto.com

Осы аптада солтүстік өңірлерде алғашқы қар жауды. Бүгін таңертең Астанада да қар қылаулап тұр, деп хабарлайды Azattyq Rýhy.

Осыған дейін Қазақстан аумағына арктикалық суық келетіні, сол сияқты еліміздің басым бөлігінде қар жауатыны хабарланған.

Синоптиктер болжамынша, республиканың орталығында және шығысында көріну қашықтығын нашарлататын қатты қар жауады, ал жолдарда көктайғақ күтіледі.

Сонымен қатар, республиканың бірқатар аймағында үсік жүреді.