Қызылорда облысында заңсыз берілген субсидиялар мемлекетке қайтарылды

Қызылорда облысының прокуратурасы облыстық ауыл шаруашылығы және жер қатынастары басқармасының бюджет қаражатын пайдалану заңдылығын тексерді, деп хабарлайды Azattyq Rýhy.  

Тексеріс нәтижесінде агроөнеркәсіптік кешенді дамытудың ұлттық жобасын іске асыруға бөлінген субсидияларды негізсіз беру фактілері анықталды.

«Прокурорлық қадағалау актісінің нәтижесінде негізсіз 47 шаруашылыққа берілген 90 млн теңге субсидия мемлекетке кері қайтарылды», - делінген облыстық прокуратураның баспасөз хабарламасында.