Қамауда отырған адам түрме қызметкерінің погонын жұламын деп тағы бірнеше жылға сотталды

Ақтөбеде сотталған адам жедел режим бөлімі қызметкерінің погонын жұлып алып, өзіне белгіленген мерзімнің үстіне қосымша жылдар қосып алды. Бұл туралы Azattyq Rýhy агенттігі «Диапазон» басылымына сілтеме жасап хабарлайды.

2023 жылдың сәуірінде 20 жастағы ақтөбелік Илья К.бұзақылық жасағаны және уақытша ұстау изоляторынан қашқаны үшін 3 жыл 3 айға сотталған. Үкім заңды күшіне енгеннен кейін ол Ақтөбедегі ҚАЖД №8 мекемесіне мерзімін өтеуге жеткізілген.

Сотталған адам колонияның карантиндік үй-жайындағы оқиғадан кейін жаңа қылмыстық іске себеп болды. Жеке тексеру процедурасы кезінде сотталушыға қызметкердің әрекеті ұнамаған.

«Жеке тексеру рәсіміндегі қызметкердің іс-әрекетіне наразы болған сотталушы оны шынтағымен иығынан ұрып, балағаттап, соңында погондары мен видеотіркегішін жұлып алып, аяғымен таптаған», - делінген хабарламада.

Сотталған адамға «мекеме қызметкеріне қатысты зорлық-зомбылық қолдану» бабы бойынша қылмыстық іс қозғалды. Іс Ақтөбедегі қылмыстық сотта қаралды. Сот процесінде сотталушы колония қызметкерінің әрекеті арандатушылық деп сендірді. Оның айтуынша, қызметкер онымен дөрекі сөйлесіп, бірнеше рет фамилиясын сұраған.

Жәбірленуші оның әрекеттері заң аясында болғанын және сотталушының деректерін дұрыс рәсімдеуге бағытталғанын түсіндірді. Тұтқынның агрессивті мінез-құлқына байланысты оған қосымша күш шақыруға тура келді.

Сот сотталған Илья К. ауыр қылмыс үшін кінәлі деп таныды және уақытша ұстау изоляторынан қашқаны үшін өтелмеген жазаны ескере отырып, оны ақыры 4 жыл 6 айға бас бостандығынан айырды.