Қостанай станциясының бастығы қызметінен босатылды – ҚТЖ

Қостанай станциясының бастығы қызметінен босатылды. Бұл туралы «Қазақстан темір жолы» ҰК» АҚ баспасөз қызметінен мәлім етті, деп хабарлайды Azattyq Rýhy.

ҚТЖ басшылығының Қостанай өңіріне жұмыс сапары кезінде Қостанай вокзалы мен оған іргелес аумақтың жай-күйі үшін Қостанай станциясының бастығы және Қостанай магистральдық желі бөлімшесі директорының вокзал шаруашылығы жөніндегі орынбасары лауазымынан босатылды.

«Сондай-ақ Қостанай жүк тасымалдау бөлімшесінің директоры, Қостанай магистральдық желі бөлімшесінің директоры шаруашылықтарды тиісінше деңгейде ұстамағандары үшін тәртіптік жауапкершілікке тартылды», - делінген хабарламада.

Аталған кемшіліктерді қысқа мерзімде жою міндеті қойылды.