Лауазымды тұлға тәртіптік жауапкершілікке тартылды
Біржан сал ауданы прокуратурасы жас кәсіпкерлер үшін жаңа бизнес-идеяларға мемлекеттік грант берер кезде талаптарды негізсіз асыра бағалау фактілерін анықтады, деп хабарлайды Azattyq Rýhy Ақмола облыстық прокуратурасына сілтеме жасап.
Мысалы, қолданыстағы заңнаманы бұза отырып, гранттар беру туралы шарттарда 5 жұмыс күні ішінде жергілікті атқарушы органның талабы бойынша бизнес-идеяларды іске асыру туралы ақпарат пен құжаттарды беру туралы міндеттемелер белгіленді. Алайда талаптарда тоқсан сайын ғана белгіленген.
«Қадағалау актісі бойынша 6 кәсіпкердің құқықтары қорғалды, шарттарға қосымша келісімдер жасасу арқылы 1 лауазымды тұлға тәртіптік жауапкершілікке тартылды», - делінген хабарламада.