Бір жылдық азаматтық соғыс кезінде Суданның 18 миллионға жуық тұрғыны аштық пен азық-түлік тапшылығына тап болды
Күшті су тасқындары азаматтық соғыс салдарынан үйлерінен айырылған адамдарды басқа аймақтардан баспана іздеуге мәжбүр етті. Бұл жағдай Судандағы халықтың онсыз да қиын жағдайын одан әрі ушықтыра түсуде, деп хабарлайды Azattyq Rýhy Euronews-ке сілтеме жасап.
БҰҰ мәліметтері бойынша, соңғы екі аптада 11 мыңнан астам адам, оның ішінде босқындар мен жергілікті тұрғындар нөсер жауын мен су тасқынынан бас сауғалауға мәжбүр болған.
Бұған дейін әскери қақтығыс салдарынан Судандағы астық өнімі 40%-ға төмендеген болатын. Сәуір айында БҰҰ-ның Азық-түлік бағдарламасының өкілдері халықаралық қауымдастықты Суданға шұғыл түрде кең ауқымды ауыл шаруашылық көмегін көрсетуге шақырған еді.
Бір жылдық азаматтық соғыс кезінде Суданның 18 миллионға жуық тұрғыны аштық пен азық-түлік тапшылығына тап болды. Мамандар көктемде-ақ жағдай азық-түлік қауіпсіздігінің болмауының апатты деңгейіне дейін жетуі мүмкін екенін ескерткен. Жағдай Дарфур аймағы, Кордофан провинциялары және Хартум провинциясы сияқты қақтығыс қарқынды жүріп жатқан аймақтардағы халық үшін ең ауыр болды. Қазіргі су тасқындары бұл болжамға қосымша қиындықтар әкелді.